قصيده قدها وقدود .....لفزاع ..
إهـداء الـى سيــّدي ووالــدي سمـــو
الشيخ محـمد بن راشــد آل مكـتـــوم
حفظـــــه اللـــه تعالـــــى ورعـــــاه
صدق من قال يا محمد بأنك سيف ما تـنصد
مروّاتك علم خفـّاق وفيك المرجـله والجـود
يا بن راشـد وابو راشد بنيت امجاد لك تشهد
تجفّ اقلامي بمدحك ، يحير العـد بالمـعـدود
إذا منـّك بغـيـت الـشـيّ فـلا عـنـّه مـردّ و بـد
تطـول اللي تقـوله عـزّ وانتـه قـدّها و قـدود
أشـوف النجم ذاك بعـيد ، وانت من النجم أبعـد
ألا يا حظ ابو من هو تكون انته معه موجود
إذا اسـمك يجـي في الشـعر يزيد البحر مـدّه مـد
يزيد الشعر في الشاعر تجـيه ابيات دون حدود
مروّض جامحات الخيل ، مهـدّي الموقف المشتد
مفرّج كربة المظـلوم ، وشوق الفاتنات الخـود
أحـد مثـلك أنا ما الـقى رجـل مثـلك أبـد ما حـد
على شـعبه سطع نـوره مثل بـدر الليالي السود
أنا لاجلك كـتبت الشـعـر و فضلك سـيّدي ممتـد
على طول المدى نبقـى لشـورك طايعين جـنود